السلام عليكم.. متنساش تصلى على سيدنا محمد
خلينا نبدأ ببوست خفيف كده ممكن نعتبره Snacks.. وهو اننا هنعمل Custom Plugin بسيطة جدا للوردبريس، مهمتها أنها تطبع فوق في الهيدر للموقع كلمة "Hello, Username" مرحبًا، اسم المستخدم، وهنا اقصد ان اسم المستخدم هيكون ديناميك يعني كل واحد هيفتح حسابه على الموقع هيلاقي مرحبًا محمد أو مرحبا أحمد هكذا..
طبعا خلينا متفقين من البداية أن البوست ده محتاج حد عنده مبادئ بسيطة جدا في #php
وبرضه خلينا متفقين انك عارف على الاقل خالص ان Plugins ووردبريس موجودة في ملفات #ووردبريس نفسه في فولدر اسمه wp-content وجواه فولدر تاني اسمه plugins
#معلومة_عالسريع
علشان تعمل بلاجين ووردبريس انت بتحتاج تعمل فولدر جديد بأسم البلاجين بتاعتك والاسم لازم يكون بالانجليزي وكل حروفه small ومفيش مسافات بين الكلمات يعني على سبيل المثال احنا البلاجين بتاعتنا هيكون اسمها wp-snacks خد بالك بدلت المسافة بداش '-' طيب عملنا الفولدر وسميناه wp-snacks وحطيناه داخل فولدر wp-content داخل فولدر plugins وشوفت صورة رقم 1 واتأكدت اني ماشي صح.. يبقى كمل البوست ياصديقي 👇
[تسجيل لمشاهدة الرابط]
طبعا خلينا متفقين برضه انك عندك على جهازك مصطب vscode ولو متعرفهوش ده سوفت وير أو برنامج بيسمحلك تكتب كود برمجي جواه تقدر تعمله داونلود مجانا [تسجيل لمشاهدة الرابط]
بعد كده ياصديقي هتفتح vscode وتعمل Drag & Drop للفولدر اللي انت عملته ده داخل البرنامج وبعد كده تضيف ملف جديد جوه الفولدر هيكون بنفس اسم الفولدر بالظبط مع اضافة اكستنشن .php في اخره يعني في المثال بتاعنا هيبقى اسم الفايل wp-snacks.php
بعد كده هتاخد شوية البيانات البسيطة دي تحطها في الفايل ودي باختصار بيانات مطلوبة لإنشاء اي بلاجين زي اسم البلاجين واسم المطور والشركة وغيرها - متنساش تشوف صورة رقم 2
تسجيل لمشاهدة الكود
[تسجيل لمشاهدة الرابط]
طيب كده خلصنا اول خطوة جرب بقى تضغط الفولدر اللي انت عملته ده وتروح تصطبه على اي موقع ووردبريس على انه بلاجين جديده هتلاقيه شغال وزي الفل 🥳 لو وصلت لحد هنا يبقى اللي جاي اسهل ان شاء الله 🔥
حلو جينا بقى للكلام المهم، طبعا بما انك عندك Basic PHP فأنت اكيد عارف يعني ايه Function ببساطة ياصديقي هتعمل فنكشن جديدة اسمها اي حاجة زي ماتحب وفي المثال بتاعنا هنسميها greet_snacks_for_users طيب احنا قبل مانعمل الفنكشن محتاجين نفكر بس ثانيتين.. احنا محتاجين ايه في الفنكشن دي؟ تعالى نكتبهم في نقاط:
- الاول نتأكد ان الشخص مسجل دخول اساسا عشان نعرض له رسالة الترحيب.
- نجيب بيانات المستخدم الحالي اللي فاتح ومسجل دخول.
- نعرض الرسالة في الهيدر.
- طيب علشان ننفذ ده برمجيا نعمل ايه؟
هنعمل if condition داخل الفنكشن مهمتها انها تعمل check اذا اصلا الشخص اللي داخل الموقع ده مسجل دخول ولا لاء زي كده بالظبط تسجيل لمشاهدة الكود ، لو لاحظت داخل الif condition فنكشن اسمها تسجيل لمشاهدة الكود الفنكشن دي خاصة بالووردبريس نفسه اسمها Built in function يعني مش انا اللي عاملها ولكن هي اساسا بتاعة ووردبريس وطبعا واضح بتعمل ايه من اسمها
محتاجين دلوقتي نجيب بيانات المستخدم الحالي وهنا هنستخدم برضه built in function اسمها تسجيل لمشاهدة الكود ودي برضه واضح من اسمها بتعمل ايه هي ببساطة بتجيب بيانات المستخدم الحالي كلها، طيب وبعد ما اجيبها المفروض اعمل ايه، طبعا المفروض تحفظها في متغير زي كده بالظبط تسجيل لمشاهدة الكود
طيب دلوقتي بقى المفروض اعرض الرسالة واكيد عارفين ان طباعة = echo في لغة php فهنا هطبع كلمة hello وجنبها اسم المستخدم أو الافضل اطبع الاسم الظاهر Display Name والرسالة هتكون بالشكل ده
تسجيل لمشاهدة الكود
وأخيرا علشان اشغل بقى الفنشكن دي في الهيدر محتاج استخدم هووك hook اسمه wp_head عن طريق استخدام Built in function اسمها add_action وهتبقى بالشكل ده
تسجيل لمشاهدة الكود
ده الكود النهائي
تسجيل لمشاهدة الكود
وده شكل النيتجة على الفرونت اند بيبقى
[تسجيل لمشاهدة الرابط]
يارب البوست يعجبكم ولو عندكم اي ملاحظات او استفسارات اكتبلي في الكومنتات
